ਅਰਲੀ ਸਕਿੱਲਸ ਲੈਬਸ ਪ੍ਰਾਈਵੇਟ ਲਿਮਿ: ਕੰਪਨੀ ਵੱਲੋਂ ਪਲੇਸੈਂਟ ਕੈਂਪ 14 ਜੁਲਾਈ ਨੂੰ
ਸੰਗਰੂਰ, 11 ਜੁਲਾਈ (2025) - ਜਿਲ੍ਹਾ ਰੋਜ਼ਗਾਰ ਅਤੇ ਕਾਰੋਬਾਰ ਬਿਊਰੋ, ਸੰਗਰੂਰ ਵੱਲੋਂ ਅਰਲੀ ਸਕਿੱਲਸ ਲੈਬਸ ਪ੍ਰਾਈਵੇਟ ਲਿਮਿ: ਕੰਪਨੀ ਨਾਲ ਤਾਲਮੇਲ ਕਰਕੇ ਮਿਤੀ 14 ਜੁਲਾਈ ਦਿਨ ਸੋਮਵਾਰ ਨੂੰ ਨੌਕਰੀ ਦੇ ਚਾਹਵਾਨ ਪ੍ਰਾਰਥੀਆਂ ਲਈ ਰੋਜ਼ਗਾਰ ਦਫ਼ਤਰ, ਸੰਗਰੂਰ ਵਿਖੇ ਇੱਕ ਪਲੇਸਮੈਂਟ ਕੈਂਪ ਲਗਾਇਆ ਜਾ ਰਿਹਾ ਹੈ।
ਇਸ ਸਬੰਧੀ ਜਿਲ੍ਹਾ ਰੋਜ਼ਗਾਰ ਉਤਪੱਤੀ ਹੁਨਰ ਵਿਕਾਸ ਅਤੇ ਸਿਖਲਾਈ ਅਫਸਰ, ਸੰਗਰੂਰ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਕੰਪਨੀ ਵੱਲੋਂ ਵੀ ਆਰ ਐਮ/ਵੀ ਆਰ ਓ (ਲੜਕੇ,ਲੜਕੀਆਂ ਦੋਵਾਂ ਲਈ), ਸੇਲਜ਼ ਆਫ਼ੀਸਰ (ਲੜਕੇ,ਲੜਕੀਆਂ ਦੋਵਾਂ ਲਈ), ਐਗਜ਼ੀਕਿਊਟਿਵ (ਕੇਵਲ ਲੜਕੇ) ਦੀ ਅਸਾਮੀ ਲਈ ਇੰਟਰਵਿਊ ਲਈ ਜਾਵੇਗੀ। ਜਿਸ ਲਈ ਪ੍ਰਾਰਥੀ ਦੀ ਵਿਦਿੱਅਕ ਯੋਗਤਾ ਵੀ ਆਰ ਐਮ/ਵੀ ਆਰ ਓ ਅਤੇ ਸੇਲਜ਼ ਆਫ਼ੀਸਰ ਅਤੇ ਸੇਲਜ਼ ਆਫ਼ੀਸਰ ਲਈ ਗਰੈਜੂਏਸ਼ਨ ਪਾਸ ਅਤੇ ਐਗਜ਼ੀਕਿਊਟਿਵ ਲਈ 12ਵੀਂ ਪਾਸ ਹੋਣੀ ਚਾਹੀਦੀ ਹੈ। ਇਸ ਤੋਂ ਇਲਾਵਾ ਵੀ ਆਰ ਐਮ/ਵੀ ਆਰ ਓ ਅਤੇ ਸੇਲਜ਼ ਆਫ਼ੀਸਰ ਅਤੇ ਸੇਲਜ਼ ਆਫ਼ੀਸਰ (ਉਮਰ 18 ਤੋਂ 30 ਸਾਲ), ਐਗਜ਼ੀਕਿਊਟਿਵ (ਉਮਰ 18 ਤੋਂ 27 ਸਾਲ) ਹੋਣੀ ਚਾਹੀਦੀ ਹੈ।
ਚਾਹਵਾਨ ਅਤੇ ਯੋਗ ਪ੍ਰਾਰਥੀ ਰਜਿਊਮ ਅਤੇ ਵਿੱਦਿਅਕ ਯੋਗਤਾ ਦੇ ਸਰਟੀਫਿਕੇਟ ਦੀਆਂ ਫੋਟੋ ਕਾਪੀਆਂ ਲੈ ਕੇ ਇਸ ਇੰਟਰਵਿਊ ਵਿੱਚ ਭਾਗ ਲੈ ਸਕਦੇ ਹਨ। ਇੰਟਰਵਿਊ ਵਿੱਚ ਭਾਗ ਲੈਣ ਲਈ ਕੋਈ ਵੀ ਟੀ.ਏ ਅਤੇ ਡੀ.ਏ ਦੇਣ ਯੋਗ ਨਹੀਂ ਹੋਵੇਗਾ। ਵਧੇਰੇ ਜਾਣਕਾਰੀ ਲਈ ਜਿਲ੍ਹਾ ਰੋਜ਼ਗਾਰ ਅਤੇ ਕਾਰੋਬਾਰ ਬਿਊਰੋ, ਸੰਗਰੂਰ ਵਿਖੇ ਸੰਪਰਕ ਕਰ ਸਕਦੇ ਹਨ।
Copyright © © 2022 Copyright. All Rights Reserved with Arth Parkash