ਦਫਤਰ ਜ਼ਿਲ੍ਹਾ ਲੋਕ ਸੰਪਰਕ ਅਫਸਰ, ਫ਼ਰੀਦਕੋਟ।
ਕੋਟਕਪੂਰਾ ਦੇ ਦੋ ਸੈਲਰਾਂ ਵਿੱਚ ਅਣਅਧਕਾਰਿਤ ਤੌਰ ਤੇ ਵਿਕਦੇ ਝੋਨੇ ਨੂੰ ਅਧਿਕਾਰੀਆਂ ਨੇ ਮੌਕੇ ਤੇ ਫੜਿਆ
ਪੁਲਿਸ ਨੂੰ ਐਫਆਈਆਰ ਦਰਜ ਕਰਨ ਦੇ ਆਦੇਸ਼
ਗੈਰ ਕਾਨੂੰਨੀ ਤਰੀਕੇ ਨਾਲ ਸੈਲਰਾਂ ਵਿੱਚ ਝੋਨਾ ਲਾਉਣ ਵਾਲਿਆਂ ਸ਼ੈਲਰਾਂ ਦੇ ਹੋਣਗੇ ਲਾਇਸੈਂਸ ਕੈਂਸਰ ਡੀਐਫਐਸਸੀ
ਨਿਯਮਾਂ ਦੇ ਉਲਟ ਕੰਮ ਕਰਨ ਵਾਲੇ ਸੈਲਰਾਂ ਵਿਰੁੱਧ ਹੋਵੇਗੀ ਸਖਤ ਕਾਰਵਾਈ ਚੇਅਰਮੈਨ ਗੁਰਮੀਤ ਸਿੰਘ ਆਰੇਵਾਲਾ
ਕੋਟਕਪੂਰਾ 11 ਅਕਤੂਬਰ ( )
ਡਿਪਟੀ ਕਮਿਸ਼ਨਰ ਮੈਡਮ ਪੂਨਮਦੀਪ ਕੌਰ ਦੇ ਆਦੇਸ਼ਾਂ ਅਨੁਸਾਰ ਜ਼ਿਲ੍ਹੇ ਦੀ ਸਬ ਡਿਵੀਜ਼ਨ ਕੋਟਕਪੂਰਾ ਅਧੀਨ ਪਿੰਡ ਹਰੀ ਨੌ ਵਿਖੇ ਆਉਂਦੇ ਦੋ ਸੈਲਰਾਂ ਵਿੱਚ ਰਾਜਸਥਾਨ ਤੋਂ ਅਣਅਧਿਕਾਰਤ ਤੌਰ ਤੇ ਲਿਆਂਦੀਆਂ ਗਈਆਂ ਝੋਨੇ ਦੀਆਂ ਟਰਾਲੀਆਂ ਨੂੰ ਫੂਡ ਤੇ ਸਿਵਲ ਸਪਲਾਈ ਵਿਭਾਗ , ਮਾਰਕੀਟ ਕਮੇਟੀ ਵੱਲੋਂ ਮੌਕੇ ਤੇ ਕਾਬੂ ਕਰਕੇ ਉਹਨਾਂ ਸੈਲਰ ਮਾਲਕਾਂ ਵਿਰੁੱਧ ਕਾਰਵਾਈ ਆਰੰਭੀ ਗਈ ਹੈ।
ਜ਼ਿਲਾ ਖੁਰਾਕ ਤੇ ਸਪਲਾਈ ਕੰਟਰੋਲਰ ਸ੍ਰੀ ਗੁਰਜੀਤ ਸਿੰਘ ਨੇ ਦੱਸਿਆ ਕਿ ਉਹਨਾਂ ਨੂੰ ਸੂਚਨਾ ਮਿਲੀ ਸੀ ਕਿ ਕੋਟਕਪੂਰਾ ਦੇ ਪਿੰਡ ਹਰੀ ਨੌ ਸਥਿਤ ਮਾਰਕਫੈੱਡ ਨੂੰ ਅਲਾਟ ਹੋਏ ਦੋ ਸ਼ੈਲਰ ਅੰਨਪੂਰਨਾ ਅਤੇ ਯੂਨਾਈਟਡ ਰਾਈਸ ਮਿੱਲ ਸੈਲਰ ਵਿੱਚ ਰਾਜਸਥਾਨ ਦੇ ਹਨੂੰਮਾਨਗੜ੍ਹ ਤੋਂ ਟਰੈਕਟਰ ਟਰਾਲੀਆਂ ਤੇ ਝੋਨਾ ਲਿਆ ਕੇ ਅਨਲੋਡ ਕੀਤਾ ਜਾ ਰਿਹਾ ਹੈ। ਜਿਸ ਤੇ ਮੌਕੇ ਤੇ ਪਹੁੰਚ ਕੇ ਇੱਕ ਅਨਲੋਡ ਕੀਤੀ ਗਈ ਟਰਾਲੀ ਅਤੇ ਤਿੰਨ ਟਰਾਲੀਆਂ ਝੋਨੇ ਦੀਆਂ ਭਰੀਆਂ ਪਾਈਆਂ ਗਈਆਂ। ਉਹਨਾਂ ਕਿਹਾ ਕਿ ਇਹ ਝੋਨਾ ਰਾਜਸਥਾਨ ਤੋਂ ਲਿਆ ਕੇ ਬਿਨਾਂ ਮਾਰਕੀਟ ਫ਼ੀਸ ਅਦਾ ਕੀਤੇ ਅਣਅਧਿਕਾਰਤ ਤੌਰ ਤੇ ਅਨਲੋਡ ਕੀਤਾ ਜਾ ਰਿਹਾ ਸੀ ਅਤੇ ਇਹਨਾਂ ਫਰਮਾਂ ਵਿਰੁੱਧ ਕਾਨੂੰਨ ਅਨੁਸਾਰ ਬਣਦੀ ਕਾਰਵਾਈ ਹੋਂਦ ਵਿੱਚ ਲਿਆਂਦੀ ਜਾਵੇਗੀ। ਉਨ੍ਹਾਂ ਦੱਸਿਆ ਕਿ ਇਸ ਸਬੰਧ ਵਿੱਚ ਥਾਣਾ ਸਦਰ ਕੋਟਕਪੂਰਾ ਦੀ ਪੁਲਿਸ ਪਾਰਟੀ ਨੂੰ ਬੁਲਾ ਕੇ ਸ਼ੈਲਰ ਮਾਲਕਾਂ ਵਿਰੁੱਧ ਕਾਨੂੰਨੀ ਕਾਰਵਾਈ ਕਰਨ ਤੇ ਐਫ ਆਈ ਆਰ ਦਰਜ ਕਰਨ ਕਿਹਾ ਗਿਆ ਹੈ।
ਚੇਅਰਮੈਨ ਮਾਰਕੀਟ ਕਮੇਟੀ ਕੋਟਕਪੂਰਾ ਸ. ਗੁਰਮੀਤ ਸਿੰਘ ਆਰੇਵਾਲਾ ਨੇ ਕਿਹਾ ਕਿ ਮੰਡੀ ਬੋਰਡ ਵੱਲੋਂ ਇਹਨਾਂ ਸੈਲਰਾਂ ਦੇ ਲਾਇਸੰਸ ਕੈਂਸਲ ਕੀਤੇ ਜਾਣਗੇ ਅਤੇ ਉਹਨਾਂ ਨੂੰ ਛੰਡਾਈ ਲਈ ਝੋਨਾ ਵੀ ਬੰਦ ਕੀਤਾ ਜਾਵੇਗਾ।
Copyright © © 2022 Copyright. All Rights Reserved with Arth Parkash