ਪੁਲਿਸ ਨੇ ਸੈਕਟਰ 38ਏ/ਡੀ ਵਿੱਚ ਚਲਾਇਆ search operation

ਰਣਜੀਤ ਸ਼ੰਮੀ, ਚੰਡੀਗੜ੍ਹ। ਯੂ.ਟੀ. ਪੁਲਿਸ ਦੀ ਐੱਸ.ਐੱਸ.ਪੀ. ਕੰਵਰਦੀਪ ਕੌਰ ਦੇ ਦਿਸ਼ਾ-ਨਿਰਦੇਸ਼ਾਂ ਤਹਿਤ ਅਪਰਾਧਿਕ ਘਟਨਾਵਾਂ ਨੂੰ ਦੇਖਦੇ ਹੋਏ ਵੱਡੀ ਕਾਰਵਾਈ ਕਰਦਿਆਂ ਥਾਣਾ 39 ਪੁਲਿਸ ਦੀ ਟੀਮ ਨੇ ਵੀਰਵਾਰ ਨੂੰ ਸਰਚ ਅਪਰੇਸ਼ਨ ਮੁਹਿੰਮ ਚਲਾਈ। ਇਹ ਸਰਚ ਅਪਰੇਸ਼ਨ ਮੁਹਿੰਮ ਸੈਕਟਰ 38ਏ/ਡੀ ਵਿੱਚ ਚਲਾਈ ਗਈ। ਇਸ ਸੀ.ਏ.ਐੱਸ.ਓ. (CASO) ਸਰਚ ਅਪਰੇਸ਼ਨ ਦੀ ਦੇਖਭਾਲ ਐੱਸ.ਡੀ.ਪੀ.ਓ. ਸਾਊਥ ਵੈਸਟ ਡਿਵੀਜ਼ਨ ਧੀਰਜ ਕੁਮਾਰ ਕਰ ਰਹੇ ਸਨ, ਜਦਕਿ ਇਸ ਅਪਰੇਸ਼ਨ ਦੀ ਅਗਵਾਈ ਥਾਣਾ 39 ਦੇ ਇੰਚਾਰਜ ਇੰਸਪੈਕਟਰ ਰਾਜੀਵ ਕੁਮਾਰ ਕਰ ਰਹੇ ਸਨ।

ਅਪਰੇਸ਼ਨ ਦੌਰਾਨ ਪੁਲਿਸ ਨੇ ਜੇਲ੍ਹ ਤੋਂ ਜ਼ਮਾਨਤ 'ਤੇ ਰਿਹਾਅ ਹੋਏ 29 ਵਿਅਕਤੀਆਂ ਦੀ ਵੈਰੀਫਿਕੇਸ਼ਨ (ਪੜਤਾਲ) ਕੀਤੀ। ਇਸ ਦੇ ਨਾਲ ਹੀ 6 ਬੀ.ਸੀ. (Bad Characters/ਨਾਮੀ ਅਪਰਾਧੀਆਂ) ਦੀ ਪੜਤਾਲ ਕੀਤੀ ਗਈ, 7 ਲਾਵਾਰਿਸ ਮੋਟਰਸਾਈਕਲ ਪੁਲਿਸ ਨੇ ਆਪਣੇ ਕਬਜ਼ੇ ਵਿੱਚ ਲਏ ਅਤੇ 10 ਸ਼ੱਕੀ ਵਿਅਕਤੀਆਂ ਖ਼ਿਲਾਫ਼ ਧਾਰਾ 126/170 ਬੀ.ਐੱਨ.ਐੱਸ.ਐੱਸ. (BNSS) ਤਹਿਤ ਮਾਮਲਾ ਦਰਜ ਕੀਤਾ ਗਿਆ। ਪੁਲਿਸ ਨੇ ਨਸ਼ਿਆਂ ਖ਼ਿਲਾਫ਼ ਵੀ ਪੂਰੀ ਤਰ੍ਹਾਂ ਸ਼ਿਕੰਜਾ ਕੱਸਿਆ ਹੋਇਆ ਹੈ।

ਸਬ-ਡਿਵੀਜ਼ਨ ਦੇ 74 ਪੁਲਿਸ ਮੁਲਾਜ਼ਮਾਂ ਨੇ ਲੌਜਿਸਟਿਕ ਸਹਾਇਤਾ (ਮੋਟਰਸਾਈਕਲ ਅਤੇ ਪੀ.ਸੀ.ਆਰ. ਵਾਹਨਾਂ) ਦੇ ਨਾਲ ਇਸ ਅਪਰੇਸ਼ਨ ਵਿੱਚ ਹਿੱਸਾ ਲਿਆ। ਇਸ ਅਪਰੇਸ਼ਨ ਦੌਰਾਨ ਜੇਲ੍ਹ/ਜ਼ਮਾਨਤ ਤੋਂ ਰਿਹਾਅ ਹੋਏ ਲੋਕਾਂ ਦੀ ਪੜਤਾਲ ਕਰਨ ਲਈ ਵੱਖ-ਵੱਖ ਟੀਮਾਂ ਦਾ ਗਠਨ ਕੀਤਾ ਗਿਆ ਸੀ। ਥਾਣਾ 39 ਦੇ ਇੰਚਾਰਜ ਇੰਸਪੈਕਟਰ ਰਾਜੀਵ ਕੁਮਾਰ ਦਾ ਕਹਿਣਾ ਹੈ ਕਿ ਯੂ.ਟੀ. ਪੁਲਿਸ ਦੇ ਸੀਨੀਅਰ ਉੱਚ ਅਧਿਕਾਰੀਆਂ ਦੇ ਹੁਕਮਾਂ ਸਦਕਾ ਅੱਗੇ ਵੀ ਇਸੇ ਤਰ੍ਹਾਂ ਦੀ ਮੁਹਿੰਮ ਜਾਰੀ ਰਹੇਗੀ।