Himachal Weather Update: Snowfall in Rohtang; Yellow Alert for Heavy Rain
ਸ਼ਿਮਲਾ: ਹਿਮਾਚਲ ਵਿੱਚ ਮੌਸਮ ਨੇ ਕਰਵਟ ਲਈ ਹੈ, ਸ਼ੁੱਕਰਵਾਰ (19 ਜੂਨ, 2026) ਨੂੰ ਸੂਬੇ ਦੀਆਂ ਉੱਚੀਆਂ ਚੋਟੀਆਂ ਬਾਰਾਲਾਚਾ, ਸ਼ਿੰਕੁਲਾ, ਰੋਹਤਾਂਗ ਵਿੱਚ ਹਲਕੀ ਬਰਫ਼ਬਾਰੀ ਹੋਈ। ਜਦੋਂ ਕਿ ਸ਼ਿਮਲਾ, ਮਸ਼ੋਬਰਾ, ਕੁਫ਼ਰੀ ਵਿੱਚ ਸ਼ਾਮ ਦੇ ਸਮੇਂ ਹਲਕਾ ਮੀਂਹ ਪਿਆ। ਬਰਫ਼ਬਾਰੀ, ਮੀਂਹ ਅਤੇ ਬੱਦਲਾਂ ਦੇ ਵਿਚਕਾਰ ਦਿਨ ਦੇ ਤਾਪਮਾਨ ਵਿੱਚ ਚਾਰ ਡਿਗਰੀ ਤੱਕ ਦੀ ਗਿਰਾਵਟ ਆਈ ਹੈ।
ਮੌਸਮ ਵਿਗਿਆਨ ਕੇਂਦਰ ਸ਼ਿਮਲਾ ਵੱਲੋਂ ਜਾਰੀ ਕੀਤੇ ਗਏ ਤਾਜ਼ਾ ਅਨੁਮਾਨ ਅਨੁਸਾਰ 20 ਅਤੇ 21 ਜੂਨ ਨੂੰ ਪੱਛਮੀ ਗੜਬੜੀ (Western Disturbance) ਦੀ ਸਰਗਰਮੀ ਵਧੇਗੀ। ਇਸ ਦੌਰਾਨ ਉੱਚੀਆਂ ਚੋਟੀਆਂ 'ਤੇ ਬਰਫ਼ਬਾਰੀ ਅਤੇ ਸੂਬੇ ਵਿੱਚ ਭਾਰੀ ਮੀਂਹ ਦੀ ਸੰਭਾਵਨਾ ਜਤਾਈ ਗਈ ਹੈ। ਲਾਹੌਲ ਸਪੀਤੀ ਅਤੇ ਕਿੰਨੌਰ ਨੂੰ ਛੱਡ ਕੇ ਬਾਕੀ ਜ਼ਿਲ੍ਹਿਆਂ ਵਿੱਚ ਕੁਝ ਥਾਵਾਂ 'ਤੇ ਤੇਜ਼ ਹਵਾਵਾਂ ਚੱਲਣ ਅਤੇ ਬਿਜਲੀ ਲਿਸ਼ਕਣ (ਡਿੱਗਣ) ਦਾ ਯੈਲੋ ਅਲਰਟ ਜਾਰੀ ਕੀਤਾ ਗਿਆ ਹੈ।
ਸੂਬੇ ਵਿੱਚ ਵੱਧ ਤੋਂ ਵੱਧ ਤਾਪਮਾਨ ਵਿੱਚ ਸਭ ਤੋਂ ਵੱਧ ਗਿਰਾਵਟ ਕਾਂਗੜਾ ਵਿੱਚ 4.1 ਡਿਗਰੀ, ਚੰਬਾ ਤੇ ਭੁੰਤਰ ਵਿੱਚ 2.8 ਡਿਗਰੀ, ਮਨਾਲੀ ਵਿੱਚ 2 ਡਿਗਰੀ, ਸ਼ਿਮਲਾ ਅਤੇ ਕੇਲੰਗ ਵਿੱਚ 1.6 ਡਿਗਰੀ ਦਰਜ ਕੀਤੀ ਗਈ ਹੈ। ਜਦੋਂ ਕਿ ਨਾਰਕੰਡਾ ਵਿੱਚ 2.8 ਡਿਗਰੀ ਅਤੇ ਊਨਾ ਵਿੱਚ 2.2 ਡਿਗਰੀ ਦਾ ਵਾਧਾ ਦਰਜ ਕੀਤਾ ਗਿਆ ਹੈ। ਸੂਬੇ ਵਿੱਚ ਸਭ ਤੋਂ ਵੱਧ ਤਾਪਮਾਨ ਊਨਾ ਵਿੱਚ 37.4 ਡਿਗਰੀ ਦਰਜ ਕੀਤਾ ਗਿਆ।
