Kanwar ਯਾਤਰਾ 2026: Uttarakhand Police ਦਾ ਹਾਈਟੈਕ Security plan, 18 ਸੁਪਰ ਜ਼ੋਨ, 30 ਡਰੋਨ ਅਤੇ 3,753 ਜਵਾਨ ਰਹਿਣਗੇ ਤਾਇਨਾਤ

ਦੇਹਰਾਦੂਨ: ਕਾਂਵੜ ਯਾਤਰਾ ਨੂੰ ਸ਼ਾਂਤੀਪੂਰਨ, ਸੁਰੱਖਿਅਤ ਅਤੇ ਸੁਚਾਰੂ ਢੰਗ ਨਾਲ ਨੇਪਰੇ ਚਾੜ੍ਹਨ ਲਈ ਉੱਤਰਾਖੰਡ ਪੁਲਿਸ ਨੇ ਇਸ ਵਾਰ ਸੁਰੱਖਿਆ ਪ੍ਰਬੰਧਾਂ ਦਾ ਦਾਇਰਾ ਹੋਰ ਵਧਾ ਦਿੱਤਾ ਹੈ। ਯਾਤਰਾ ਰੂਟਾਂ, ਪ੍ਰਮੁੱਖ ਸ਼ਿਵ ਮੰਦਰਾਂ, ਸੰਵੇਦਨਸ਼ੀਲ ਇਲਾਕਿਆਂ ਅਤੇ ਭੀੜ-ਭੜੱਕੇ ਵਾਲੀਆਂ ਥਾਵਾਂ 'ਤੇ ਵਾਧੂ ਪੁਲਿਸ ਬਲ ਤਾਇਨਾਤ ਕੀਤੇ ਗਏ ਹਨ। ਇਸ ਦੇ ਨਾਲ ਹੀ ਡਰੋਨ, ਸੀਸੀਟੀਵੀ ਕੈਮਰਿਆਂ ਅਤੇ ਆਧੁਨਿਕ ਨਿਗਰਾਨੀ ਪ੍ਰਣਾਲੀ ਰਾਹੀਂ ਪੂਰੇ ਮੇਲੇ 'ਤੇ 24 ਘੰਟੇ ਨਜ਼ਰ ਰੱਖੀ ਜਾ ਰਹੀ ਹੈ। ਸੁਰੱਖਿਆ ਪ੍ਰਬੰਧਾਂ ਨੂੰ ਮਜ਼ਬੂਤ ਕਰਦਿਆਂ ਇਸ ਵਾਰ 18 ਸੁਪਰ ਜ਼ੋਨ ਬਣਾਏ ਜਾ ਰਹੇ ਹਨ, ਜਦੋਂ ਕਿ ਸਾਲ 2024 ਵਿੱਚ 13 ਅਤੇ 2025 ਵਿੱਚ 16 ਸੁਪਰ ਜ਼ੋਨ ਬਣਾਏ ਗਏ ਸਨ।

ਇਸੇ ਤਰ੍ਹਾਂ ਇਸ ਵਾਰ 40 ਜ਼ੋਨ ਬਣਾਏ ਗਏ ਹਨ, ਜੋ ਕਿ ਸਾਲ 2025 ਵਿੱਚ 37 ਸਨ। ਸੈਕਟਰਾਂ ਦੀ ਗਿਣਤੀ ਵੀ 134 ਤੋਂ ਵਧਾ ਕੇ 141 ਕਰ ਦਿੱਤੀ ਗਈ ਹੈ। ਸੀਸੀਟੀਵੀ ਕੈਮਰਿਆਂ ਦੀ ਗਿਣਤੀ 336 ਤੋਂ ਵਧਾ ਕੇ 370 ਕੀਤੀ ਗਈ ਹੈ, ਤਾਂ ਜੋ ਯਾਤਰਾ ਦੇ ਪਲ-ਪਲ ਦੇ ਮਾਰਗ 'ਤੇ ਨਜ਼ਰ ਰੱਖੀ ਜਾ ਸਕੇ। ਪੁਲਿਸ ਅਧਿਕਾਰੀਆਂ ਅਨੁਸਾਰ ਇਸ ਸਾਲ ਕਾਂਵੜ ਯਾਤਰਾ ਵਿੱਚ ਵੱਡੀ ਗਿਣਤੀ ਵਿੱਚ ਸ਼ਰਧਾਲੂਆਂ ਦੇ ਪਹੁੰਚਣ ਦੀ ਸੰਭਾਵਨਾ ਹੈ। ਇਸ ਨੂੰ ਦੇਖਦੇ ਹੋਏ ਸੁਰੱਖਿਆ ਪ੍ਰਬੰਧਾਂ ਨੂੰ ਪਹਿਲਾਂ ਨਾਲੋਂ ਵਧੇਰੇ ਵਿਆਪਕ ਅਤੇ ਤਕਨੀਕ 'ਤੇ ਅਧਾਰਤ ਬਣਾਇਆ ਗਿਆ ਹੈ। ਪਿਛਲੇ ਸਾਲਾਂ ਦੇ ਮੁਕਾਬਲੇ ਇਸ ਵਾਰ ਸੁਰੱਖਿਆ ਬਲ ਵਧਾਏ ਗਏ ਹਨ। ਕਾਂਸਟੇਬਲ ਤੋਂ ਲੈ ਕੇ ਏਐੱਸਪੀ ਤੱਕ 3753 ਪੁਲਿਸ ਅਧਿਕਾਰੀ ਅਤੇ ਕਰਮਚਾਰੀ ਕਾਂਵੜ ਡਿਊਟੀ 'ਤੇ ਤਾਇਨਾਤ ਰਹਿਣਗੇ। ਸਾਲ 2024 ਵਿੱਚ ਪੁਲਿਸ ਅਧਿਕਾਰੀਆਂ ਤੇ ਕਰਮਚਾਰੀਆਂ ਦੀ ਗਿਣਤੀ 2444 ਸੀ ਜਦੋਂ ਕਿ ਸਾਲ 2025 ਵਿੱਚ ਇਹ ਕੁੱਲ ਗਿਣਤੀ 3256 ਸੀ। ਕੇਂਦਰੀ ਸੁਰੱਖਿਆ ਬਲ ਦੇ ਨਾਲ-ਨਾਲ ਬੀਡੀਐੱਸ ਅਤੇ ਏਟੀਐੱਸ ਟੀਮਾਂ ਵਧਾਈਆਂ ਕਾਂਵੜ ਯਾਤਰਾ ਵਿੱਚ ਪਿਛਲੇ ਸਾਲਾਂ ਦੇ ਮੁਕਾਬਲੇ ਇਸ ਵਾਰ ਕੇਂਦਰੀ ਸੁਰੱਖਿਆ ਬਲ ਦੇ ਨਾਲ-ਨਾਲ ਅੱਤਵਾਦ ਵਿਰੋਧੀ ਦਸਤੇ (ਏਟੀਐੱਸ), ਬੰਬ ਨਿਰੋਧਕ ਦਸਤੇ (ਬੀਡੀਐੱਸ) ਅਤੇ ਡਰੋਨਾਂ ਦੀ ਗਿਣਤੀ ਵੀ ਵਧਾਈ ਗਈ ਹੈ।

ਸਾਲ 2025 ਵਿੱਚ ਪੀਏਸੀ ਅਤੇ ਆਈਆਰਬੀ ਦੀਆਂ 15 ਕੰਪਨੀਆਂ ਸੁਰੱਖਿਆ ਪ੍ਰਬੰਧਾਂ ਵਿੱਚ ਲਗਾਈਆਂ ਗਈਆਂ ਸਨ, ਜੋ ਕਿ ਇਸ ਸਾਲ ਵਧਾ ਕੇ 17 ਕਰ ਦਿੱਤੀਆਂ ਗਈਆਂ ਹਨ। ਇਸੇ ਤਰ੍ਹਾਂ ਕੇਂਦਰੀ ਸੁਰੱਖਿਆ ਬਲ ਦੀਆਂ ਕੰਪਨੀਆਂ 11 ਤੋਂ ਵਧਾ ਕੇ 18, ਬੰਬ ਨਿਰੋਧਕ ਦਸਤੇ ਦੀਆਂ ਟੀਮਾਂ ਸੱਤ ਤੋਂ ਵਧਾ ਕੇ ਅੱਠ, ਸਵਾਨ ਦਲ (ਡੌਗ ਸਕੁਐਡ) ਸੱਤ ਤੋਂ ਵਧਾ ਕੇ ਅੱਠ, ਅੱਤਵਾਦ ਵਿਰੋਧੀ ਦਸਤੇ ਦੋ ਤੋਂ ਵਧਾ ਕੇ ਚਾਰ, ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ 24 ਤੋਂ ਵਧਾ ਕੇ 27 ਅਤੇ ਡਰੋਨਾਂ ਦੀ ਗਿਣਤੀ 22 ਤੋਂ ਵਧਾ ਕੇ 30 ਕਰ ਦਿੱਤੀ ਗਈ ਹੈ। ਸਾਲ 2025 ਵਿੱਚ ਪਹੁੰਚੇ ਸਨ 4.52 ਕਰੋੜ ਕਾਂਵੜ ਯਾਤਰੀ ਕਾਂਵੜ ਯਾਤਰੀਆਂ ਦੀ ਗਿਣਤੀ ਵਿੱਚ ਹਰ ਸਾਲ ਵਾਧਾ ਹੋ ਰਿਹਾ ਹੈ। ਸਾਲ 2025 ਵਿੱਚ 4.52 ਕਰੋੜ ਕਾਂਵੜ ਯਾਤਰੀ ਹਰਿਦੁਆਰ ਪਹੁੰਚੇ ਸਨ। ਇਨ੍ਹਾਂ ਵਿੱਚੋਂ ਸਭ ਤੋਂ ਘੱਟ 1.67 ਫੀਸਦੀ ਕਾਂਵੜ ਯਾਤਰੀ ਉੱਤਰਾਖੰਡ, ਪੰਜ ਫੀਸਦੀ ਰਾਜਸਥਾਨ, 8.33 ਫੀਸਦੀ ਪੰਜਾਬ, ਦਿੱਲੀ ਤੋਂ 16.67 ਫੀਸਦੀ, ਉੱਤਰ ਪ੍ਰਦੇਸ਼ ਤੋਂ 26.67 ਫੀਸਦੀ ਜਦੋਂ ਕਿ ਸਭ ਤੋਂ ਵੱਧ ਹਰਿਆਣਾ ਤੋਂ 31.67 ਫੀਸਦੀ ਅਤੇ 10 ਫੀਸਦੀ ਕਾਂਵੜ ਯਾਤਰੀ ਹੋਰਨਾਂ ਸੂਬਿਆਂ ਤੋਂ ਪਹੁੰਚੇ ਸਨ।