ਪੋਸਟਰ ਮੇਕਿੰਗ ਮੁਕਾਬਲਾ ਮੇਰਾ ਯੁਵਾ (ਐੱਮਵਾਈ) ਭਾਰਤ ਚੰਡੀਗੜ੍ਹ ਦੁਆਰਾ ਆਯੋਜਿਤ

ਪ੍ਰੈੱਸ ਰਿਲੀਜ਼

ਪੋਸਟਰ ਮੇਕਿੰਗ ਮੁਕਾਬਲਾ ਮੇਰਾ ਯੁਵਾ (ਐੱਮਵਾਈ) ਭਾਰਤ ਚੰਡੀਗੜ੍ਹ ਦੁਆਰਾ ਆਯੋਜਿਤ

ਚੰਡੀਗੜ੍ਹ, 29 ਦਸੰਬਰ 2025:

ਭਾਰਤ ਸਰਕਾਰ ਦੇ ਯੁਵਾ ਮਾਮਲਿਆਂ ਅਤੇ ਖੇਡ ਮੰਤਰਾਲੇ ਦੇ ਤਹਿਤ ਮੇਰਾ ਯੁਵਾ (ਐੱਮਵਾਈ) ਭਾਰਤ, ਚੰਡੀਗੜ੍ਹ ਨੇ ਏਟੀਡੀਸੀ ਚੰਡੀਗੜ੍ਹ ਦੇ ਸਹਿਯੋਗ ਨਾਲ ਵਿਜੈ ਦਿਵਸ 2025 ਨੂੰ ਮਨਾਉਣ ਲਈ ਮਾਈ ਭਾਰਤ, ਸੈਕਟਰ-12, ਚੰਡੀਗੜ੍ਹ ਵਿਖੇ ਇੱਕ ਪੋਸਟਰ ਮੇਕਿੰਗ ਮੁਕਾਬਲਾ ਸਫ਼ਲਤਾਪੂਰਵਕ ਆਯੋਜਿਤ ਕੀਤਾ। ਇਹ ਮੁਕਾਬਲਾ ਭਾਰਤੀ ਹਥਿਆਰਬੰਦ ਸੈਨਾਵਾਂ ਦੇ ਸਾਹਸ, ਬਹਾਦਰੀ ਅਤੇ ਸਰਬਉੱਚ ਬਲੀਦਾਨ ਨੂੰ ਸਲਾਮ ਕਰਨ ਦੇ ਉਦੇਸ਼ ਨਾਲ ਆਯੋਜਿਤ ਕੀਤਾ ਗਿਆ ਸੀ।

ਕੁੱਲ 30 ਉਤਸ਼ਾਹੀ ਪ੍ਰਤੀਭਾਗੀਆਂ ਨੇ ਮੁਕਾਬਲੇ ਦੇ ਥੀਮ ਨੂੰ ਦਰਸਾਉਂਦੀਆਂ ਪ੍ਰਭਾਵਸ਼ਾਲੀ ਕਲਾਕ੍ਰਿਤੀਆਂ ਦੇ ਜ਼ਰੀਏ ਆਪਣੀ ਸਿਰਜਣਾਤਮਕਤਾ ਅਤੇ ਦੇਸ਼ਭਗਤੀ ਦੀ ਭਾਵਨਾ ਦਾ ਪ੍ਰਦਰਸ਼ਨ ਕੀਤਾ।

ਸੂਖਮ ਮੁੱਲਾਂਕਣ ਤੋਂ ਬਾਅਦ, ਜਿਊਰੀ ਨੇ ਨਿਮਨਲਿਖਤ ਜੇਤੂਆਂ ਦਾ ਐਲਾਨ ਕੀਤਾ:
● ਪਹਿਲਾ ਸਥਾਨ: ਸ਼੍ਰੀ ਕਨਵ ਖੁਰਾਨਾ
● ਦੂਜਾ ਸਥਾਨ: ਸੁਸ਼੍ਰੀ ਪਾਲਕ ਗੋਇਲ
● ਤੀਜਾ ਸਥਾਨ: ਸੁਸ਼੍ਰੀ ਅਰਸ਼ਦੀਪ ਕੌਰ
● ਪ੍ਰੋਤਸਾਹਨ ਪੁਰਸਕਾਰ: ਸ਼੍ਰੀ ਕ੍ਰਿਸ਼ਪ੍ਰੀਤ ਸਿੰਘ

ਮੁਕਾਬਲੇ ਦਾ ਨਿਰਣਾ ਸ਼੍ਰੀ ਸਚਿਨ ਸਿੰਗਲਾ, ਸਹਾਇਕ ਲੋਕ ਸੰਪਰਕ ਅਧਿਕਾਰੀ, ਚੰਡੀਗੜ੍ਹ ਪ੍ਰਸ਼ਾਸਨ, ਅਤੇ ਸ਼੍ਰੀ ਦੀਪਕ, ਟ੍ਰੇਨਿੰਗ ਐਸੋਸੀਏਟ, ਆਰਜੀਐੱਨਆਈਵਾਈਡੀ ਖੇਤਰੀ ਕੇਂਦਰ, ਚੰਡੀਗੜ੍ਹ ਦੀ ਜਿਊਰੀ ਦੁਆਰਾ ਕੀਤਾ ਗਿਆ, ਜਿਨ੍ਹਾਂ ਨੇ ਪ੍ਰਤੀਭਾਗੀਆਂ ਦੁਆਰਾ ਪ੍ਰਦਰਸ਼ਿਤ ਕਲਾਤਮਕ ਉੱਤਮਤਾ ਅਤੇ ਪ੍ਰਗਟਾਵੇ ਦੀ ਗਹਿਰਾਈ ਦੀ ਸ਼ਲਾਘਾ ਕੀਤੀ।

ਜੇਤੂਆਂ ਨੂੰ ਗਿਫਟ ਹੈਂਪਰ ਅਤੇ ਸਰਟੀਫਿਕੇਟ ਦਿੱਤੇ ਗਏ, ਜਦਕਿ ਸਾਰੇ ਪ੍ਰਤੀਭਾਗੀਆਂ ਨੂੰ ਉਨ੍ਹਾਂ ਦੇ ਯਤਨਾਂ ਅਤੇ ਸਿਰਜਣਾਤਮਕਤਾ ਦੇ ਸਨਮਾਨ ਵਿੱਚ ਭਾਗੀਦਾਰੀ ਦੇ ਸਰਟੀਫਿਕੇਟ ਦਿੱਤੇ ਗਏ।

ਇਸ ਅਵਸਰ 'ਤੇ, ਸ਼੍ਰੀ ਵਿਨੈ ਕੁਮਾਰ, ਜ਼ਿਲ੍ਹਾ ਯੁਵਾ ਅਧਿਕਾਰੀ, ਐੱਮਵਾਈ ਭਾਰਤ ਚੰਡੀਗੜ੍ਹ, ਨੇ ਸਾਰੇ ਪ੍ਰਤੀਭਾਗੀਆਂ ਨੂੰ ਕਲਾ ਦੇ ਸ਼ਾਨਦਾਰ ਪ੍ਰਦਰਸ਼ਨ ਲਈ ਵਧਾਈ ਦਿੱਤੀ ਅਤੇ ਜਿਊਰੀ ਮੈਂਬਰਾਂ ਦਾ ਉਨ੍ਹਾਂ ਦੇ ਕੀਮਤੀ ਨਿਰਣੇ ਅਤੇ ਸਮਰਥਨ ਲਈ ਹਾਰਦਿਕ ਧੰਨਵਾਦ ਕੀਤਾ। ਉਨ੍ਹਾਂ ਅੱਗੇ ਦੱਸਿਆ ਕਿ ਅਜਿਹੇ ਯੁਵਾ-ਕੇਂਦ੍ਰਿਤ ਮੁਕਾਬਲੇ ਮਾਈ ਭਾਰਤ ਦੁਆਰਾ ਨਿਯਮਿਤ ਤੌਰ 'ਤੇ ਆਯੋਜਿਤ ਕੀਤੇ ਜਾਂਦੇ ਹਨ ਅਤੇ ਨੌਜਵਾਨ ਨਾਗਰਿਕਾਂ ਨੂੰ ਮਾਈ ਭਾਰਤ ਪੋਰਟਲ (www.mybharat.gov.in) 'ਤੇ ਆਪਣੇ ਆਪ ਨੂੰ ਰਜਿਸਟਰ ਕਰਕੇ ਸਰਗਰਮੀ ਨਾਲ ਹਿੱਸਾ ਲੈਣ ਲਈ ਪ੍ਰੋਤਸਾਹਿਤ ਕੀਤਾ।

ਇਹ ਸਮਾਗਮ ਦੇਸ਼ਭਗਤੀ ਦੇ ਭਾਵ 'ਤੇ ਸੰਪੰਨ ਹੋਇਆ, ਜਿਸ ਵਿੱਚ ਰਾਸ਼ਟਰੀ ਗੌਰਵ ਅਤੇ ਨੌਜਵਾਨਾਂ ਦੀ ਸ਼ਮੂਲੀਅਤ ਦੀ ਭਾਵਨਾ ਨੂੰ ਮਜ਼ਬੂਤੀ ਮਿਲੀ।