ਪੰਚਕੂਲਾ ਚੋਣ ਨਤੀਜੇ 2026 LIVE; ਮੇਅਰ ਸੀਟ 'ਤੇ BJP ਵੱਡੀ ਲੀਡ ਬਣਾਏ ਹੋਏ, ਕਾਂਗਰਸ ਉਮੀਦਵਾਰ ਸੁਧਾ ਭਾਰਦਵਾਜ ਕਾਫੀ ਪਿੱਛੇ

ਪੰਚਕੂਲਾ ਚੋਣ ਨਤੀਜੇ LIVE: ਪੰਚਕੂਲਾ ਨਗਰ ਨਿਗਮ ਚੋਣਾਂ ਦੇ ਨਤੀਜੇ ਅੱਜ (13 ਮਈ) ਐਲਾਨੇ ਜਾ ਰਹੇ ਹਨ। ਵੋਟਾਂ ਦੀ ਗਿਣਤੀ ਸਵੇਰੇ 8 ਵਜੇ ਤੋਂ ਸ਼ੁਰੂ ਹੋ ਚੁੱਕੀ ਹੈ ਅਤੇ ਲਗਾਤਾਰ ਜਾਰੀ ਹੈ। ਪੰਚਕੂਲਾ ਮੇਅਰ ਦੀ ਸੀਟ ਲਈ ਵੋਟਾਂ ਦੀ ਗਿਣਤੀ ਕੁੱਲ 21 ਰਾਊਂਡਾਂ ਵਿੱਚ ਹੋਣੀ ਹੈ ਅਤੇ ਹੁਣ ਤੱਕ ਦੇ 8 ਰਾਊਂਡਾਂ ਦੀ ਗਿਣਤੀ ਵਿੱਚ ਸਾਹਮਣੇ ਆਏ ਰੁਝਾਨਾਂ ਵਿੱਚ ਬੀਜੇਪੀ ਵੱਡੀ ਲੀਡ ਬਣਾਈ ਬੈਠੀ ਹੈ।

ਬੀਜੇਪੀ ਉਮੀਦਵਾਰ ਸ਼ਿਆਮਲਾਲ ਬੰਸਲ ਨੂੰ ਹੁਣ ਤੱਕ 25,598 ਵੋਟਾਂ ਮਿਲ ਚੁੱਕੀਆਂ ਹਨ, ਜਦਕਿ ਕਾਂਗਰਸ ਉਮੀਦਵਾਰ ਸੁਧਾ ਭਾਰਦਵਾਜ ਨੂੰ 10,704 ਵੋਟਾਂ ਮਿਲੀਆਂ ਹਨ। ਯਾਨੀ ਬੰਸਲ ਕਰੀਬ 15 ਹਜ਼ਾਰ ਵੋਟਾਂ ਨਾਲ ਅੱਗੇ ਚੱਲ ਰਹੇ ਹਨ। ਇਸ ਤਰ੍ਹਾਂ ਬੀਜੇਪੀ ਦੇ ਸ਼ਿਆਮਲਾਲ ਬੰਸਲ ਅਤੇ ਸੁਧਾ ਭਾਰਦਵਾਜ ਵਿਚਕਾਰ ਸਿੱਧਾ ਮੁਕਾਬਲਾ ਦੇਖਿਆ ਜਾ ਰਿਹਾ ਹੈ।

ਪੰਚਕੂਲਾ ਮੇਅਰ ਅਹੁਦੇ ਲਈ 6 ਉਮੀਦਵਾਰ ਮੈਦਾਨ ਵਿੱਚ
ਜ਼ਿਕਰਯੋਗ ਹੈ ਕਿ ਇਸ ਵਾਰ ਪੰਚਕੂਲਾ ਮੇਅਰ ਅਹੁਦੇ ਲਈ ਕੁੱਲ 6 ਉਮੀਦਵਾਰ ਮੈਦਾਨ ਵਿੱਚ ਸਨ:

ਭਾਜਪਾ ਸ਼ਿਆਮਲਾਲ ਬੰਸਲ

ਕਾਂਗਰਸ: ਸੁਧਾ ਭਾਰਦਵਾਜ

ਆਮ ਆਦਮੀ ਪਾਰਟੀ: ਰਾਜੇਸ਼ ਕੁਮਾਰ

ਇਨੈਲੋ: ਮਨੋਜ ਅਗਰਵਾਲ

ਆਜ਼ਾਦ ਉਮੀਦਵਾਰ: ਕਰਨੈਲ ਸਿੰਘ ਬਾਂਗੜ ਅਤੇ ਚੌਧਰੀ ਚੰਦਨ ਸਿੰਘ

ਹਾਲਾਂਕਿ, ਪੰਚਕੂਲਾ ਮੇਅਰ ਸੀਟ 'ਤੇ ਮੁੱਖ ਟੱਕਰ ਬੀਜੇਪੀ ਅਤੇ ਕਾਂਗਰਸ ਵਿਚਕਾਰ ਹੀ ਮੰਨੀ ਜਾ ਰਹੀ ਸੀ ਅਤੇ ਨਤੀਜਿਆਂ ਵਿੱਚ ਵੀ ਇਹੀ ਦੇਖਣ ਨੂੰ ਮਿਲ ਰਿਹਾ ਹੈ।

ਕਿਸ ਦੇ ਸਿਰ ਸਜੇਗਾ ਪੰਚਕੂਲਾ ਮੇਅਰ ਦਾ ਤਾਜ?
ਹੁਣ ਪੰਚਕੂਲਾ ਮੇਅਰ ਦਾ ਤਾਜ ਕਿਸ ਦੇ ਸਿਰ ਸਜੇਗਾ? ਇਸ ਦਾ ਅੰਤਿਮ ਫੈਸਲਾ ਕੁਝ ਹੀ ਘੰਟਿਆਂ ਵਿੱਚ ਹੋ ਜਾਵੇਗਾ। ਫਿਲਹਾਲ ਹਰਿਆਣਾ ਦੀ ਸੱਤਾਧਾਰੀ ਬੀਜੇਪੀ ਦਾਅਵਾ ਕਰ ਰਹੀ ਹੈ ਕਿ ਪੰਚਕੂਲਾ ਵਿੱਚ ਫਿਰ ਤੋਂ ਕਮਲ ਹੀ ਖਿੜੇਗਾ। ਦੱਸ ਦੇਈਏ ਕਿ ਪਹਿਲਾਂ ਵੀ ਪੰਚਕੂਲਾ ਨਗਰ ਨਿਗਮ 'ਤੇ ਬੀਜੇਪੀ ਦਾ ਹੀ ਕਬਜ਼ਾ ਸੀ।

ਪੰਚਕੂਲਾ ਨਗਰ ਨਿਗਮ ਚੋਣਾਂ 2026 ਲਈ ਮੇਅਰ ਅਤੇ ਕੁੱਲ 20 ਵਾਰਡਾਂ ਵਾਸਤੇ 10 ਮਈ ਨੂੰ ਵੋਟਿੰਗ ਹੋਈ ਸੀ, ਜਿਸ ਵਿੱਚ ਕਰੀਬ 52% ਵੋਟਿੰਗ ਦਰਜ ਕੀਤੀ ਗਈ।