ਇਕਮੁਸ਼ਤ ਪ੍ਰਾਪਰਟੀ ਟੈਕਸ ਜਮ੍ਹਾ ਕਰਵਾਉਣ ਦੀ ਮਿਤੀ ਵਿਚ 31 ਅਗਸਤ ਤੱਕ ਦਾ ਵਾਧਾ - ਜਯੋਤੀ ਬਾਲਾ ਮੱਟੂ

ਇਕਮੁਸ਼ਤ ਪ੍ਰਾਪਰਟੀ ਟੈਕਸ ਜਮ੍ਹਾ ਕਰਵਾਉਣ ਦੀ ਮਿਤੀ ਵਿਚ 31 ਅਗਸਤ ਤੱਕ ਦਾ ਵਾਧਾ - ਜਯੋਤੀ ਬਾਲਾ ਮੱਟੂ

-ਹੁਣ 19 ਤੋਂ 31 ਅਗਸਤ ਤੱਕ ਲਗਾਤਾਰ ਪ੍ਰਾਪਰਟੀ ਟੈਕਸ ਦੇ ਕਾਊੱਟਰ ਖੁੱਲ੍ਹੇ ਰੱਖੇ ਜਾਣਗੇ

-15 ਤੋਂ 18 ਅਗਸਤ ਤੱਕ ਬੰਦ ਰਹਿਣਗੇ ਕਾਊੱਟਰ

ਹੁਸ਼ਿਆਰਪੁਰ, 14 ਅਗਸਤ :

ਕਮਿਸ਼ਨਰ ,ਨਗਰ ਨਿਗਮ ਹੁਸਿਆਰਪੁਰ ਜਯੋਤੀ ਬਾਲਾ ਮੱਟੂ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਸਥਾਨਕ ਸਰਕਾਰ ਵਿਭਾਗ ,ਪੰਜਾਬ ਦੀ ਓ. ਟੀ.ਐਸ ਸਕੀਮ ਤਹਿਤ ਲੋਕਾਂ ਨੂੰ ਪ੍ਰਾਪਰਟੀ ਟੈਕਸ ਜਮ੍ਹਾ ਨਾ ਕਰਵਾਉਣ 'ਤੇ ਲੱਗੇ ਜ਼ੁਰਮਾਨੇ ਅਤੇ ਵਿਆਜ਼ "ਤੇ 100 ਫੀਸਦੀ ਛੋਟ ਦਿੱਤੀ ਗਈ ਹੈ, ਜਿਸ ਤਹਿਤ ਮਿਤੀ 15.08.2025 ਤੱਕ ਇਸ ਸਕੀਮ ਨੂੰ ਲਾਗੂ ਕੀਤਾ ਗਿਆ ਸੀ, ਪਰੰਤੂ ਲੋਕਾਂ ਵੱਲੋਂ ਇਸ ਸਕੀਮ ਨੂੰ ਮਿਲ ਰਹੇ ਉਤਸ਼ਾਹ ਨੂੰ ਦੇਖਦੇ ਹੋਏ ਅਤੇ ਜਮ੍ਹਾ ਹੋਏ ਭਾਰੀ ਟੈਕਸ ਕਾਰਨ ਸਰਕਾਰ ਵੱਲੋਂ ਇਸ ਸਕੀਮ ਨੂੰ 31.08.2025 ਤੱਕ ਵਧਾ ਦਿੱਤਾ ਗਿਆ ਹੈ ।

   ਉਨ੍ਹਾਂ ਆਮ ਪਬਲਿਕ ਨੂੰ ਅਪੀਲ ਕੀਤੀ ਕਿ ਉਹ ਆਪਣਾ ਬਣਦਾ ਪ੍ਰਾਪਰਟੀ ਟੈਕਸ ਇਕਮੁਸ਼ਤ ਜਮ੍ਹਾ ਕਰਵਾ ਕੇ 100 ਫੀਸਦੀ ਜ਼ੁਰਮਾਨੇ ਅਤੇ ਵਿਆਜ਼ ਤੋ ਛੋਟ ਪ੍ਰਾਪਤ ਕਰਕੇ ਇਸ ਸਕੀਮ ਦਾ ਵੱਧ ਤੋ ਵੱਧ ਲਾਭ ਉਠਾਉਣ। ਨਗਰ ਨਿਗਮ ਹੁਸਿਆਰਪੁਰ ਵੱਲੋਂ ਆਮ ਪਬਲਿਕ ਦੀ ਸਹੂਲਤ ਲਈ ਪ੍ਰਾਪਰਟੀ ਟੈਕਸ ਦੇ ਕਾਊਂਟਰ ਜੋ ਮਿਤੀ 15-08-2025 ਨੂੰ ਖੋਲ੍ਹੇ ਜਾਣੇ ਸੀ, ਉਹ ਕੁਝ ਤਕਨੀਕੀ ਅਪਡੇਸਨਾਂ ਕਾਰਨ ਮਿਤੀ 15.08.2025 ਤੋ 18.08.2025 ਤੱਕ ਬੰਦ ਰੱਖੇ ਗਏ ਹਨ ਅਤੇ 19.08.2025 ਤੋ 31.08.2025 ਤੱਕ ਲਗਾਤਾਰ ਕਾਊੱਟਰ ਖੁੱਲ੍ਹੇ ਰੱਖੇ ਜਾਣਗੇ। ਇਸ ਲਈ ਸ਼ਹਿਰ ਵਾਸੀ ਬਿਨਾਂ ਕਿਸੇ ਦੇਰੀ ਤੋਂ ਆਪਣਾ ਬਣਦਾ ਪ੍ਰਾਪਰਟੀ ਟੈਕਸ 31.08.2025 ਤੱਕ ਜਮ੍ਹਾ ਕਰਵਾਉਣਾਂ ਯਕੀਨੀ ਬਣਾਉਣ।